• Domo Mak

【酒店Staycation優惠】5間$1000以下住宿套票邊間最抵玩?

Updated: Aug 28


疫情下好多酒店都推出Staycation「住+食」優惠,吸引唔少客人入住,好多優惠仲會包埋餐飲、自助餐等等,都喺一個唔錯嘅假期消閒活動,最啱同朋友或情侶放鬆一下。小編為大家整理咗5間酒店評價唔錯嘅「住宿+餐飲」優惠,介紹俾大家參考。


灣仔諾富特世紀酒店 - $780 包Room Service海鮮晚餐+紅白酒、延遲退房至下午4點

高級客房 (相片來源:酒店官方網站)


Package包括美式Shake Shake海鮮袋 (相片來源:酒店官方網站)


酒店位於灣仔港鐵站附近,,只需行6分鐘就到,交通非常方便。套票除咗包2人高級客房一晚之外,仲可以喺客房內享用美式Shake Shake海鮮袋,裡面有波士頓龍蝦、鮑魚、長腳蟹、藍青口、翡翠螺、虎蝦等,另外加送芝士煙肉焗生蠔4隻同埋紅白酒一枝添!不過有網民就指出海鮮袋望落幾似垃圾袋,比人有種「炒埋一碟」啲感覺,鍾唔鍾意哩款食法就要見仁見智啦。酒店雖然可以要求延遲退房至4點, 不過就要視乎酒店當日房間入住率而定。


詳情及訂房網址:

https://www.novotelhongkongcentury.com/zh-hant/offers/local-staycation-2020/


馬哥孛羅香港酒店 – $977超值五星套票,維港海景下午茶+專人生態導賞之旅

豪華海景客房,可以觀賞維港景色 (相片來源:酒店官方網站)


Cucina 豔麗味影下午茶,最啱女生打卡 (相片來源: YO!生活雜誌)


位於尖沙咀海港城嘅Macro Polo酒店相信大家一啲都唔陌生。哩間5星級酒店推出嘅住宿套餐非常吸引,Package雖然唔包早餐,但可以享用酒店內Cucina餐廳嘅艷麗「味」影下午茶,可以一邊嘆住下午茶,一邊觀賞維港嘅景色。早起身嘅朋友可以參加由酒店禮賓司帶領嘅九龍公園晨曦生態之旅,比自己放鬆一下!另外,酒店仲會包2杯伯爵葡萄冰茶、曲奇禮盒同埋手工果醬2瓶。唯一少少扣分位喺房間設施比較陳舊,加上夏天潮濕,房間嘅霉味會比較重。不過整體酒店都有一貫5星級嘅水準,加上地段十分方便都喺一個唔錯嘅選擇!


詳情及訂房網址:

https://www.marcopolohotels.com/tc/marco_polo/hotels/hongkong/kowloon/marco_polo_hongkong/offers/your_memories_are_our_memories.html?utm_source=affilired&_affclk=glop:1617::10244c1342df79a1f1248c424187a1:v0018x


麗豪酒店 – $1000包雙人早餐加晚餐,遠離市區寧靜之選

高級豪華客房(相片來源:酒店官方網站)

酒店室外泳池已經開放 (相片來源:酒店官方網站)


如果想遠離市區,可以試下沙田麗豪酒店嘅「食•住•歎」無限Fun住宿計劃。位於城門河河畔附近, 周圍環境清靜,有種渡假嘅感覺。套餐包括入住高級豪華客房一晚,可以喺行政樓層貴賓廊享用自助早餐同埋喺意廊享用晚市套餐,另外可以免費使用酒店Communal Lounge,平日更可以延遲退房至下午2點。不過有網上評論就指酒店嘅服務質素有好多進步嘅空間,而且酒店交通唔太就腳,酒店嘅穿梭巴士班次都比較疏,距離最近嘅沙田圍站都要行10分鐘左右先到酒店, 對住拎住大件行李嘅朋友就未必太方便。


詳情及訂房網址:

https://www.regalhotel.com/regal-riverside-hotel/tc/promotions/Endless-Fun-Vacation.html


晉緻酒店– $758起送你本地手工啤酒連早餐,可延遲至下午6點退房

豪華綠意客房 (相片來源:Agoda)


酒店主打簡約工業風 (相片來源:酒店官方網站)


晉緻酒店位於交通四通八達嘅尖沙咀,最近推出嘅「暢飲之旅 」住宿套票,套餐包括豪華園景客房一晚連Page Common雙人早餐,而且更送上本地手工啤酒4支同埋APPELLES潤唇膏和護手霜1套,而且酒店可以延遲到下午6點退房。由於酒店喺2019年開業,整體裝修同設施比較新穎。酒店設計主打工業風,房間內部簡約而且幾有現代感,加上每間房間都有落地大窗戶,望出窗外景觀十分開揚。住宿套票嘅價格同埋唔錯嘅住宿環境相對其他酒店黎講性價比非常高,特別適合鐘意飲酒又想玩耐啲朋友入住。


詳情及訂房網址:

https://pagehotels.com/tc/page148/offer-detail/not-too-sober-package


如心海景酒店暨會議中心 – $968海景房,可享用鮑魚或自助晚餐

雙床海景客房 – 低座 (相片來源:酒店官方網站)

酒店設有室內和室外游泳池 (相片來源:HopeTrip.com)


唔想住得太貴但又想望住海景,位於荃灣嘅如心海景酒店暨會議中心喺其中一價錢實惠嘅選擇。入住客人除左可以入住海景客房之外,視乎你嘅口味仲可以選擇雙人咖啡閣自助晚餐或且如粵滬中菜廳「招牌鮑魚美饌套餐」,個人覺得後者會比較抵食,有唔少網上留言都指自助餐食物質素普通,而且款式唔多,而另一個套餐菜式包括左天然人參燉烏雞、8頭蠔皇原隻阿翁鮑魚及關東原條遼參等貴重食材共8道菜,2個人食完全喺值回票價!唯一要注意喺,酒店分左低座同高座,今次package入住嘅房間喺位於低座,想入住嘅朋友就要留意返啦。


詳情及訂房網址:

https://www.lhotelgroup.com/tc/hotel/lhotel-nina/Offers/Stay-Dine-Package?utm_source=runhotel&utm_medium=display&utm_campaign=Stay-Dine-Package&utm_term=CPA&utm_content=Banner_V1_TC


介紹完咁多間酒店嘅Staycation住宿優惠,仲喺好難揀得落手?即刻上瘋投投票分享你嘅意見,揀出CP值最高嘅package啦!


投票連結:

https://www.votap.app/poll-detail.php?id=2825


想知道更多瘋投的文章及資訊? 立刻按此訂閱電郵,接收每周精選文章及城中最熱門的話題!


52 views

©2020 by O O Possibility Limited